--------------------------------------------------
നാം പഠിച്ച പാഠങ്ങളും കണ്ട കാഴ്ച്ചകളും കേട്ട കഥകളും എല്ലാം ചേർന്നാണ്‌ നമ്മെ രൂപപ്പെടുത്തുന്നത്‌. ഇവയിലെ നന്മകൾ ജീവിതത്തിൽ പകർത്തുന്നവരും തിന്മകൾ ജീവിതത്തിൽ പകർത്തുന്നവരും ഉണ്ട്‌.
കടന്നു പോകുന്ന വഴികൾ ജീവിതത്തെ വികൃതമാക്കരുത്‌.. പകരം വിശുദ്ധമാക്കണം.. നാം ആവിഷ്കരിക്കുന്ന പദ്ധതികളെക്കാൾ ജീവിതത്തിൽ വന്ന് ചേരുന്ന ആകസ്മികതകൾ ജീവിതത്തെ നിയന്ത്രിച്ചു എന്ന് വരാം . തിരഞ്ഞെടുപ്പിനുള്ള സാധ്യത ഇല്ലാതെ ജീവിതം അതിന്റെ ഗതി നിയന്ത്രിക്കുമ്പോൾ കീഴടങ്ങുന്നവർ ഉണ്ടാവും . അതിജീവിക്കുന്നവരും ഉണ്ടാവും.
ഒരു ദുർഘട വഴിയിലൂടെയും സഞ്ചരിച്ചില്ല എന്നതല്ല ജീവിതത്തിന്റെ മാഹാത്മ്യം . ഒരു പോറൽ പോലും പറ്റിയില്ല എന്നതും അല്ല . ഇവ നൽകിയ പാഠങ്ങൾ ആണ്‌.
ഓരോരുത്തരും ആത്യന്തികമായി എന്താണെന്ന് അവർ കടന്നു പോയ വഴികൾ പരിശോധിച്ചാൽ മനസ്സിലാകും.. അടിസ്ഥാന മൂല്യങ്ങളെ ആവശ്യങ്ങൾക്ക്‌ വേണ്ടി ബലി കഴിക്കാതിരിക്കുക. ഏത്‌ വഴിയിലൂടെ സഞ്ചരിച്ചാലും നശിക്കരുതാത്ത ചില സ്വാഭാവിക നന്മകൾ ഉണ്ട്‌ . അവയെ മുറുകെ പിടിക്കുക.
പ്രഭാത ചിന്ത 14
4/
5
Oleh
Mash